Naglab-ot sa kapin P24,735,000 sa pangkabilugan ang financial assistance nga guintugyan sang Department of Agriculture (DA)- Western Visayas kaupod ang gobyerno probinsyal sang Capiz sa 4,947 ka eligible farmers sa banwa sang Dumarao.
Ang pagpanghatag sang nasambit nga bulig ang sa idalom sang Rice Competitiveness Enhance Fund – Rice Farmers Financial Assistance (RCEF-RFFA) sang DA bilang temporaryo nga bulig sa aton mga mangunguma sa implementasyon sang Rice Tarriffication Law, dugang pa dire ang paghalit sang nag-agi nga bagyong Paeng sa ila mga pananum.
Ang mga benepesyaryo ang nagbaton sang tig P5000 nga mahimo naman nila mausar sa ila mga kinahanglanon sa pagpanguma.
Guinpahibalo man ni 𝗚𝗼𝘃𝗲𝗿𝗻𝗼𝗿 𝗙𝗿𝗲𝗱𝗲𝗻𝗶𝗹 “𝗢𝘁𝗼” 𝗖𝗮𝘀𝘁𝗿𝗼 sa mga mangunguma nga ang paghatag sa ila sang financial assistance ang wala guid guin-intrahan sang pamulitika.
“Amo ini ang aton pagdumalahan sa karon sa gobyerno probinsyal nga bisan ano man ang inyo linyada sang nanligad nga eleksyon ang indi basihan agud mahatagan bulig. Ang importante pa guid nga guinapaabot ang ayuda nga dapat para sa inyo”, dugang pa sang gobernador.
Suno naman kay 𝟮𝗻𝗱 𝗗𝗶𝘀𝘁𝗿𝗶𝗰𝘁 𝗖𝗼𝗻𝗴𝗿𝗲𝘀𝘀𝘄𝗼𝗺𝗮𝗻 𝗜𝗻𝗱𝗮𝘆 𝗕𝗮𝗯𝘆 𝗝𝗮𝗻𝗲 𝗖𝗮𝘀𝘁𝗿𝗼 nga kapin sa P258 milyon ang guinpartineser nga pondo para mabuligan ang rice farmers sa bug-os nga probinsya sang Capiz kag ini ang natigayon bangud sa pagtimbanganay nila nanday Gov. Castro kag LGU’s.
Sa karon nagapadayon ang paghikot sang gobyerno probinsyal kaupod ang talatapan ni Congw. Castro agud nga madugangan pa ang matugyan nga bulig para sa ila nga mga mangunguma.
- Western Visayas kaupod ang gobyerno probinsyal sang Capiz sa 4,947 ka eligible farmers sa banwa sang Dumarao.){kind=link}
4.5
5
4.5