Duha na ka mga barangay sa probinsya sang Capiz ang kumpirmado nga may kaso sang African Swine Fever (ASF).
Suno kay Provincial Veterinarian Dr. Leonel Abordo, magluwas sa Barangay Canapian sa Maayon, may nabalhag man nga kaso sang ASF sa Barangay Poblacion Ilawod sa banwa sang Dumarao.
Samtang, negatibo naman sa virus ang blood samples nagikan sa Carida sa Tapaz, Aglimocon kag Quinabonglan sa Maayon.
Matapos makumpirmar ang kaso sa Maayon kag Dumarao, gilayon nagpatuman sang disinfection sa mga lugar kun sa diin nagikan ang mga baboy nga positibo sa virus.
Magluwas sini ginadumilian ang pagpaguha sang baboy, karne sang baboy kag mga pork products nagikan sa nasambit nga mga lugar.
Padayon naman nga ginapanugyanan ni Dr. Abordo ang publiko sa pagkooperar sa ginapatuman nga mga lihok batuk sa ASF.
Ginapangabay man sini ang mga nagapanag-iya sang baboy nga gilayon mag report sa ila talatapan kun may ginapakita nga sintomas sang balatian ang ila hinuptananan.
By: Roldan Villareal | March 5, 2023
.){kind=link}