Kumpirmado nga patay ang duha ka mga Filipino sa nagluntad nga 7.8 magnitude nga linog nga nag-igo sa Turkey kag Syria, ini ang kalakip sa tatlo ka mga ginpahayag nga nadula kag nakit-an sang embahada.
Ginkilala ang napatay nga si Wilma Tezcan nagikan sa Lucena, Quezon kag nakapangasawa sang Turkish National.
Mahibaluan nga nagbiyahe nagikan sa Istanbul si Tezcan nagikan sa probinsya sang Hatay sadtong Enero 27 antes nagluntad ang linog sadtong Lunes.
Ba-se naman sa iya facebook account, ini kun tani ang una niya nga bakasyon sa nasambit nga probinsya subong nga tuig.
Bangud sini, ginklaro naman sang embahada nga nakit-an nga buhi ang isa ka Filipino nga ginpahayag nadula sa Antakya, ini ang nasalbar sa 60 oras matapos ang linog.
Sa pinaka-ulihi sini nga report sang Agence France Press, naglab-ot na sa 21,000 ang napatay.
Suno naman sa Philippine Embassy, ang Philippine rescue team nga ginpahamtang sa southeast Turkey naka-eva¬cuate na sang masobra sa 10 ka mga pamilya nga mga Filipino nagikan sa Antakya sa probinsya sang Hatay isa tuman nga gin-igo sang linog.
Ang nasambit nga mga pamilya ang gindala sa Ankara, capital sang Turkey kung sa diin sila temporaryo nga nagatinir.
Nagpahayag man sang simpatya si President Ferdinand Bongbong Marcos Jr., sa mga nabilin nga pamilya sang duha ka mga Filipino nga napatay kag ginsiguro man sini nga padayon nga bantayan sang gobyerno sang Pilipinas ang mga pinakabag-o nga natabo.
Matandaan sadtong Huwebes, nagpadala na ang Pilipinas sang 85-man team agud buligan ang mga biktima sang linog sa Turkey kag Syria.
Text by: MVF | Bombo Radyo Roxas
5
4.5