Patay ang duha ka indibidwal samtang 11 naman ang pilason matapos salakayon sang militante nga grupo ang police headquarters sa Karachi, South Pakistan.
Indi naman magnubo sa 10 ang mga armado nga suspek kag may bitbit nga granada sang nagpadulong sa lugar.
Samtang, gin—aku naman sang Pakistans’s Taliban ukon kilala bilang Tehreek e Taliban Pakistan (TTP) nga sila ang sa likod sang insidente.
Bangud sa pagpang-atake, ginbawian sang kabuhi ang isa ka pulis kag janitor sang amu nga edipisyo samtang nagapaayo naman ang mga napilasan.
Madasig naman nga nagpalagyo ang mga suspek kag gindeklarar nga state of emergency ang lugar sang Karachi.
Mahibaluan nga humalin 2010, ginakabig na sang US nga mga terorista ang Paklistani Taliban.
5
4.5