Pilason ang duha ka persona sa pagbunggoanay sang duha ka motorsiklo sa Bayot drive, Barangay IX, sa syudad sang Roxas subong nga gabi sang Lunes.
Ginkilala ang drive sang Suzuki Smash nga si Jolito Magbanua, 24-anyos nga residente sang Dao, Capiz kag ang back rider sini nga Raymart Fermucil, 22-anyos kag residente sang Dumalag, Capiz kag lunsay mga estudyante.
Nakilala naman ang driver sang Suzuki Burgman nga si Micheal Angelo Querobin, 19-anyos kag residente sang Panay, Capiz.
Sa pagpangusisa sang Radyo Bandera Roxas sa lugar, nga padulong kuntani si Magbanua kag Fermucil sa isa ka kalan-an sa lugar, apang pag abot sa intersection sang railway street kag Bayot drive hinali na lang ini ginbunggoan ni Querobin nga madasig ang pagpadalagan sang iya motorsiklo.
Bangod sini natumba kag nag-angkon sang mga pilas sa tiil si Magbanua kag Fermucil.
Madasig naman ang pagrespondi sang Roxas City Emergency Response Team (RCERT) para dapatan sang pagbulong ang mga pilason.
Text and Images By: Ej Arboleda | January 23, 2023 | Radyo Bandera
5
4.5