Liwat nga ginbaha ang pila ka barangay sa probinsya sang Capiz matapos ang pagbubo sang mamunog nga ulan dala sang trough sang Low Pressure Area (LPA).
Sa report nagikan sa Provincial Disaster Risk Reduction and Management Office (PDRRMO), nagluntad ang pagbaha sa pila ka barangay sa banwa sang Cuartero, Dumalag, Mambusao, kag Maayon.
Kadamuan sa mga ginsul-ob sang baha ang mga talamnan ilabi na sa mga manubo nga lugar.
Sa karun amat-amat na nga naganubo ang lebel sang tubig baha. Samtang sarang naman maagyan ang mayor nga dalanon sa probinsya.
Magluwas sini nagpatuman sang preemtive evacuation ang Dumalag Municipal Disaster Risk Reduction and Management Office (MDRRMO). Yara pa sa karun sa evacuation center ang 112 ka pamilya nagikan sa Barangay Sto. Angel kag Sto. Niño sa nasambit nga banwa.
By: Roldan Villareal | February 15, 2023
.){kind=link}
4.5
5