Pito ka mga persona ang napatay sa outbreak sang Marburg virus sa Equatorial Guinea.
Ini ang ginpalayag sang World Health Organization (WHO), kadungan sang pagtumod sa 20 ka iban pa nga nagkalamatay nga ginapatihan tuga sang hemorrhagic fever.
Ginapahayag nga naglapta na ang outbreak sang virus, nga kapareho nga makamamatay kaangay sang Ebola, tubtob sa luwas sang probinsya sang Kie-Ntem, sa diin nabalhag ang una nga kaswalidad sang Enero.
Suno sa gobyerno, naglapta na ang virus tubtob sa Bata, ang economic capital sang amu nga pungsod sa Africa.
Nagakahangawa naman si Dr. Matshidiso Moeti, ang regional director sang WHO sa Africa bangud ang paglapta sang Marburg ang isa ka kritikal nga signal nga pasangkaron ang mga tikang agud matapna ang transmisyon kag pagka-utas sang kabuhi.
By: Roldan Villareal | March 24, 2023
