Pinakauna nga kaso sang ‘Firecracker-related Injury’ ang 8 katuig nga bata nga lalaki sa Barangay Tinigban, Panitan, Capiz.
Ini ang ginkumpirmar sang Rural Health Unit (RHU) sang nasambit nga banwa sang nalab-ot sang Radyo Bandera Roxas.
Gintuad sang iloy sang bata sa RHU nga isa ka ‘Labintador’ nga sahi sang palupok ang nakabiktima sa iya bata nga ginapatihan napulutan sini samtang nagapaninlo sang balay.
Nag-angkon sang paso sa tudlo, dughan kag sag-ang ang biktima nga gilayon man gindapatan sang pagbulong nga ginpadangat sa ospital kag gin-out patient.
Nagpanugyan man ang talatapan sang RHU-Panitan sa mga ginikanan nga ubayan ang ila kabataan kag likawan nga makahawid sang palupok.
By: Jolito Valles Borda | December 28, 2022 | Radyo Bandera Roxas
5