Naglab-ot sa 952 ang nabalhag nga kaso sang balatian nga dengue sa probinsya sang Capiz sang nagligad nga tuig 2022.
Sa datos sang Provincial Health Office (PHO), mas mataas sang 253.90% ang nabalhag nga kaso sang 2022 ikumparar sa 269 ka mga kaso nga narekord sang 2021.
Pinaka apektado nga age group ang edad 10 tubtob 19 anyos. Pinaka lamharon nga nabiktima ang isa ka bulan nga lapsag kag 92 anyos ang pinaka may edad.
Sa 952 ka mga kaso, lima ang ginbawian sang kabuhi. Tatlo ang nagikan sa Roxas City, isa sa President Roxas kag isa man sa Pontevedra.
By: Roldan Villareal | January 5, 2023
