Nadakpan sang mga katapo sang Roxas City PNP ang isa ka anay preso matapos nga ginaalegar nagbaligya sang armas luthang sa entrapment operation nga ginpatigayon sa Tumanon St., Barangay Tiza, Roxas City pasado 5:30 subong nga hapon.
Ginkilala ang nadakpan nga si Christian Jude Rosali, 26-anyos kag residente sang Bangbang st., Barangay Inzo sang nasambit nga syudad.
Narekober sa suspek ang isa ka unit sang .38 revolver nga armasluthang, apat ka mga bala kag P1,700.00 nga marked money.
Wala naman sang may ginpresentar nga dokumento ang suspek nga nagapamatuod nga ini ang lisensyado nga magbaligya kag maghupot sang armas luthang.
Magapangatubang sang kaso angut sa Republic Act 10591 ukon Comprehensive Firearms and Ammunition Regulation Act ang nasambit nga suspetsado.
Text and Images by: Ej Arboleda| Jolito Valles Borda | Jan Patrick Armiza | January 27, 2023
5
5
4.5