Anong ara?
Ngaman madamo sang propietaryo, negosyante kag career-oriented ang nagapasakop sa politika maski nahibaluan nila nga tuman ini ka gastos. Paano ayhan mabalik ang ila guin gastos sa eleksyon?
Ano guid ‘ya mga “ate at kuya,” bakit ganon, ganon nalang kong makagastos kamo?
Anong ara sa kaban sang banwa?
Panublion?
Kinahanglan guid sa serbisyo publiko nga pagkatapos sang amay ang asawa, anak kag utod ang magabulos sa iya palangakuan?
Ngaman indi naton paghatagan sang kahaigayunan ang mga tawo nga may ara man sang kongkreto nga ideya kag malapad nga panan-awan para maduso ang interes sang kadamuan, indi lang ang pinamilya nga interes kag sang ara sa posisyon.
Kon ka isa, ang konseho madamo sang katapo sang “4P’s” (Pungko, Pamati, Pamahaw kag Puli), ini sila ang gusto ninyo nga magatiglawas kag magahatag tingog sa konseho, indi gani makabuka sang ila baba para amligan ang pangkabilogan nga interes sang mga tawo.
Basi ultimo “prayer” kag “intro” sang session guinabasa pa sa cellular phone.
Sus, Pen Pen de Sarapen, ‘wag na ‘uy.
Minarites
Sa isa ka banwa nga malapit sa Dakbanwa sang Roxas, mabati-an mo na ang mga huring-huring sa posibli nga engkwentro ni incumbent mayor kag three-termer board member para sa pagka alkalde sang guinakabig nga maragtason nga banwa sa probinsya sang Capiz.
Ano ayhan ang nakit-an sang mga political think tanks kag analyst nga ila padaog batuk sa incumbent mayor?
May nagapahayag nga ang dalagku nga pamilya naga-upod sa board member, apang suno naman sa mga lider sang incumbent mayor, pila malang ina sila kay ang masobra 30 ka Punong Barangay nagapabilin sa gihapon nga loyal sa mayor.
Nakahibalo ka bala, nga si “blank” maupod kay, indi nalang gani basi e-marites mo pa ko.
One-on-one sang gwapa?
Sa bagay, given naman siguro nga parehas sila gwapa labi na kon madayon ang one-on-one fight sa pagka-alkalde sa isa ka banwa sang Capiz.
Suno sa “sirom-sirom,” daw madayon guid ang pagsuksok sang gown sang duha ka maanyag nga lin-ay guikan sa banwa nga sadto naka-prodyuser sang isa ka Congressman.
Kon katahum kag kaalam lang ang basehan, wala ka sang pili-an.
Ang ini nga banwa diri nagahalin ang boltahe sang kuryente.
Pen Pen de Sarapen, sin-o ang isulat sa punta sang ballpen?
Inumpisahan mo, tapuson ko!
Kasubong sang pelikula ni FPJ ang tigulo sang sini nga artikulo.
Sa isa ka banwa sa Segundo distrito sang Capiz nabati-an ang tingog sang “agagangis” nga may political comeback ang sadto alkalde sang banwa para liwat takson ang pwersa sa politika sang iya nangin kasumpong sang nagligad nga piniliay.
Kon sa pelikula, “Inumpisahan mo, tapuson ko” sa 2025 midterm elections.
Kay sin-o ayhan political career ang magatapos? Kay mayor ukon kay anay mayor?
Pen Pen de Sarapen, Hindi pa tapos ang laban, walang personalan.