Nakuha sang banwa sang Dao ang pinakamataas nga pasidungog nagikan sa Department of Social Welfare and Development (DSWD) bangud sa maayo sini nga programa para sa kabataan.
Ang Seal of Child-Friendly Local Governance award ang isa ka pagkilala sa maayo nga programa sang isa ka gobyerno lokal nga nagahatag sang prioridad sa pagplano, paghatag sang nagakaigo nga pondo, kag mga layi para sa ikaayo sang mga kabataan.
Ini nga pasidungog ang ginahalad ni Mayor Jose Jimbo Barruela sa iya mga kasimanwa. Ini magaserbe nga inspirasyon sa alkalde para mas pasanyugon pa gid ang mga programa para sa mga kabataan para mapasiguro ang ila masanag nga bwasdamlag.
Sa idalom sang karon nga administrasyon madamo na sang mga gindihon nga programa para sa kabataan kapareho nalang sang libre nga school supplies humalin kindergarten to grade VI, padayon ang supplementary feeding program, pagpasiguro sang ila safety sa ila tagsa ka bulothuan kag madamo nga iban pa.
Ang Seal of Child-Friendly Local Governance award ang ginbaton ni Mrs Wildevina Jolampong, RSW, Municipal Social Welfare and Development Officer kag gintugyan naman sini kay Mayor Jose Jimbo Barruela sa ginhiwat nga flag raising ceremony sang municipal government employees. | Images from Dao LGU / Text from Radyo Bandera Roxas
 bangud sa maayo sini nga programa para sa kabataan.){kind=link}