Bugal sang probinsya sang Capiz ang mga atleta nga nagpasakup sa Batang Pinoy 2022 matapos makakuha sang 12 tanan ka mga medalya sa Vigan, Ilocos Sur sang Disyembre 17-21, 2022.
Sa pagpakig-angut sang Bombo Radyo kay Coach Conwel Diestro, ginsiling sini nga napauli sang mga atleta sang Capiz ang 5 ka mga bulawan, 3 ka silver kag 4 ka bronze.
Nakuha nanday Angel Villagracia, Renier James Vidal, Carille Jeannine Distro, James Bryant Bolante kag Antonio Manuel Rivas ang bulawan nga medalya sa nagkalain-lain nga kumpetisyon.
Samtang silver medal ang napauli ni Angel Villagracia, Jasmine Jamelarin, Precious Friah Antonia Bernabe kag Khristine Conjurado para sa 100-m relay, Maribell Regala para sa Triple Jump kag Menchie Kate Dizon para sa Mini-Cadet.
Bronze medal naman si Angel Villagracia sa 100m dash, Jasmine Jamelarin sa 100m hurdle, Leslie Faye Dizon sa Cadet Gils kag Lorraine Pelayo sa Tunggal 10-12 girls.
Tuman naman ang pasalamat ni Diestro kay Governor Fredenil ‘Oto’ Castro sa pagsuporta sa mga handum sang kabataan.
Credits: Conwel Diestro/FB Page
4.5