Pormal na nga nagbukas ang Capiz Provincial Meet 2023 nga may tema: ”Championing Exellence through Sports” sa bahin sang Capiz Villareal Stadium, Abril 1.
Ang nasambit nga hinampang ang guintambongan sang mga atleta, coaches kag chaperons naguikan sa Roxas City Division sa pagpanguna ni Dr. Roel Bermejo, Capiz Division sa pagpanguna naman ni Dr. Miguel Mac Aposin kag Private Schools Athletic Association (CAPRISA) sa pagpanguna ni Very Rev. Msgr. Cyril Villareal nga guintal-usan ni Dr. Goerge Cortel.
Sa mensahe nga guinpalab-ot ni Governor Fredenil ”Oto” Castro pinaagi kay Board Member Thea Faith T. Reyes giuinsiling sini nga importante ang pagdaog sa isa ka kompetisyon, apang mas makabililib ang pagbaton sang kapirdihan nga may yuhom bangod ini ang mas makapabakod sang pagkatawo sang isa ka indibidwal. Guinpahanumdom sang gobernador sa mga atleta nga ang maayo nga pagbinatasan ukon GMRC ang aton dal-on sa WVRAA, didto kag aton ipakita nga ang atletang Capiznon nga maya maayo nga pag binatasan, DAOG man ukon Perdi.
Mahibalu-an nga ang mga atleta nga magada-og sa nasambit nga hinamang ang maga presentar sa probinsya sang Capiz sa Western Visayas Athletic Association (WVRAA) Meet sa maabot nga Abril 26-30, 2023.
Sa nasambit nga kahiwatan naghatag man sang iya mensahe si Roxas City Mayor Ronnie T. Dadivas.
Images from Capiz Provincial Government Communications Group
5