Ginpasakaan sang panumbungon nga murder sa Department of Justice (DOJ) sang mga katapo sang Criminal Investigation and Detection Group (CIDG) si Negros Oriental Representative Arnulfo “Arnie” Teves, Jr. bangud sa kaangtanan sini sa pagpamatay sang tuig 2019.
Suno sa CIDG, three counts sang kaso nga murder ang ginpasaka kay Teves kag sa lima ka iban pa.
Ginpahayag naman ni Atty. Levito Baligod, legal counsel sang mga tagreklamo, mismo ang mga ginsugo ni Teves nga magpamatay ang gina-uyatan sang mga ini nga testigo.
Ginaalegar dugang nga tatlo ang nagabug-os sa assassination team kag 12 na ka mga indibidwal ang patay, kadamuan mga kasumpong sa pulitika.
Gin-athag man ni Baligod nga madugay na ang mga ini nagapakighinala sa mga testigo, antis paman natabo ang pagpatay kay Negros Oriental Governor Roel Degamo.
Matandaan nga una na ginpanginwala ni Congressman Teves kag sang utod sini nga si Henry ang kahilabtanan sa pagpapatay kay Degamo.
By: Roldan Villareal | March 8, 2023 | Image from Philippine House or Representative website
 sang mga katapo sang Criminal Investigation and Detection Group (CIDG) si Negros Oriental Representative Arnulfo “Arnie” Teves, Jr. bangud sa kaangtanan sini sa pagpamatay sang tuig 2019.){kind=link}
5
4.5