Ginkilala sang Philippine Drug Enforcement Agency (PDEA) ang lokal nga gobyerno sang banwa sang Dao, Capiz kasunod sang pagkadeklarar nga drug-cleared ukon hilway sa ilegal nga droga sang 20 sini ka kabarangayan.
Ginbaton sang mismo alkalde nga si Mayor Jose Jimbo Barruela kaupod sanday Mr Joey Almazor, MLGOO VI kag PLT. Dandy Delfin ang ‘Balangay Seal’ gikan sa nasambit nga ahensiya.
Mahibaluan nga sang tinalikdan nga Disyembre 9, 2022 sa ginhiwat nga evaluation sang Regional Oversight Committee nga ginabug-osan sang PDEA, DILG, DOH kag PNP, natigayon nga malampuwasan sang banwa sang Dao ang tuman ka estrikto kag maid-id nga ebalwasyon kag iban pa nga rekisitos rason nga sang sina mismo nga adlaw natigayon nga madeklarar nga drug-free ang 20 tanan ka barangay nga nagabug-os sa banwa.
Ang “Balangay Seal” ang isa ka pinakamataas nga pasidungog (honor) nga ginahatag sa isa ka banwa bangud sa tuman ka daku nga nangin kontribusyon sini pinaagi sa aktibo nga Anti-drug Abuse Council (ADAC) para dalayon nga tuldokan ang paglapnag sang iligal nga droga.
Sa matandaan nga ang banwa sang Dao ang nangin National Awardee man sa National ADAC Performance Awards sang DILG sang nagligad nga bulan sang Nobyembre bangud sa exemplary performance sang Anti-Drug Abuse Council sang banwa.
By: Joshua Kenneth Anas | January 31, 2023
 ang lokal nga gobyerno sang banwa sang Dao, Capiz kasunod sang pagkadeklarar nga drug-cleared ukon hilway sa ilegal nga droga sang 20 sini ka kabarangayan.){kind=link}
4.5
5