DEPED, Clarifies “Uniform Policy”

Gin-athag sang Department of Education(DEPED) nga may yara sang policy angot sa proper attire nga dapat sundon sang mga estudyante. Ini kasunod sang pag-anunsiyo sang DEPED nga indi na mandatory ang pagsuksok sang uniporme sa mga estudyante sa pampubliko nga mga eskwelahan sa tion nga magbukas na ang school year 2022-2023 sa Agusto 22.

Sa interview sang Bombo Radyo kay Mr. Hernani Escullar Jr., spokesperson sang DEPED Region 6, iya ginpahayag nga indi man makapagusto ang mga estudyante sang ila suksukon. Suno kay Escullar, humalin pa sang 2008,may standing DepEd Order No. 45, s. 2008 nga gin-isyu ni anay DEPED Secretary Jesli Lapus. Sa idalom sang amo nga Order, yari ang proper attire: Sa mga lalaki:Shirt- polo/t-shirt with sleeves-any plain color, with a minimum of prints;pants-long or short,any color;footwear-any Sa mga babaye:Dress,skirt/blouse-any color; pants-any color; footwear-any.

Gina-discourage man ang mga estudyante nga magsuksok sang malahalon nga bayo, tight-fitting pants/blouses/dresses, mini-skirts, short shorts, blouses nga may plunging necklines, amo man ang hip-hop pants sa mga lalaki, kag ang sleepwear. Para naman sa mga estudyante nga may existing uniforms, mahimo nila gihapon ini suksukon.

Una na nga ginpahayag ni Vice President kag DEPED Secretary Sara Duterte-Carpio nga katuyuan sini nga tikang nga mapahagan-hagan ang gasto sang mga pamilya kag sa ila nga mga ginapa-eskwela.

Via: Bombo Radyo Iloilo #BastaRadyoBombo