Isa ka ginapanugyan nga layi ang ginsumite sang grupo sang mamalidha sa Kongreso, agud mahatagan sang P1,000 nga ayuda kada bulan ang mga pigado nga Persons With Disability (PWD), sa pungsod.
Suno kay ACT-CIS Cong. Jeff Soriano, nag-request sa ila si DSWD Sec. Erwin Tulfo, agud mahatagan sang cash nga ayuda ang mga PWD.
Bangud sa ginahinyo ni Sec.Tulfo, gilayon nga nagsumite sang ginapanugyan nga layi sanday ACT CIS Cong. Edvic Yap, Jocelyn Tulfo, Jeff Soriano, Benguet Cong. Eric Yap, at Quezon City 2nd District Cong. Ralph Tulfo nga maghatag sang cash assistance sa “indigent PWDs”.
Suno kay Cong. Soriano, lima sila ang author sa House Bill 1754, kag paga-istoryahon pa nila ang iban pa nga mga kaupdanan sa Kongreso, agud suportahan agud gilayon nga mangin is aka layi.
Sa idalum sang nasambit nga ginapanugyan nga layi ukon “an act providing monthly subsidy for indigent persons with disablitiy”, mahimo nga makabaton sang cash subsidy nga one thousand pesos kada bulan ang isa ka pigado nga PWD’s.
Text by: MVF – Bombo Radyo
