ANAY MARINE, GIN-IMPLEMENTARAN SANG SEARCH WARRANT SA BANWA SANG SIGMA, EXPLOSIVE, ARMAS KAG MGA BALA NAREKOBER
Positibo ang ginpatigayon nga implementasyon sang search warrant sa puloy-an sang isa ka anay marine sa Barangay Acbo, Sigma, Capiz.
Ginkilala ang subject person ang si alyas Jeazer, 38-anyos kag residente sang nasambit nga lugar.
Narekober sa puloy-an ni alyas Jeazer ang 1 ka unit sang 9mm caliber, 3 ka M2O3 fragmentation grenade; 3 M2O3 empty shell sang 40.caliber fragmentation grenade; 2 ka puti kag itom nga case sang M2O3 grenade kag 1 green pouch, mga magazine sang nagkalain-lain nga sahi sang armas kag mga bala.
Gin-implementar ang duha ka search warrant nga ginpapanaog kag gin-isyu ni Executive Judge Judith Orendain Tonogbanua, sang Regional Trial Court, 6th Judicial Region, Mambusao Capiz nga napetsahan sadtong Disyembre 5, 2023.
Sa karon, yara na sa paghinakop sang kapulisan ang nasambit nga subject person kag natalana nga pasakaan sang nagakaigo nga panumbungon.
Images and text from:
DYOP 102.5 FM
UNA SA SERBISYO
BASKOG RADYO!
