Gintupok sang kalayo ang isa ka furniture shop sa Barangay Mongpong, Roxas City.
Ginapanag-iyahan ni Wil Batacandolo ang furniture shop kag residente sang nasambit nga lugar.
Suno kay Batacandolo, nakibot na lamang ini sang may nagasinggitan nga nagakasunog na ang iya shop kag blangko man ini sang ginhalinan sang kalayo.
Aminado naman ini nga may napabayaan nga dap-ong sa guha sang shop apang malayo kag indi ini sarang nga makaabot ang kalayo sang gindap-ong.
Nagapadayon naman sa karon ang imbestigasyon sang bumbero aa nasambit nga sunog.
By: Jolito Valles Borda | February 23, 2023



4.5