DEPUTY PROVINCIAL ADMINISTRATOR RICKY MARTIN, NAGPASALIG NGA INDI MANGIN BIAS SA GINAHIMO NGA IMBESTIGASYON ANGUT SA GIN PAPANAOG NGA SHOW CAUSE ORDER BATOK KAY ANAY PDRRMO HEAD PELAEZ
Nagpasalig si Deputy Provincial Administrator 1st District Ricky Martin nga indi pagpabay-an ang ginahimo nga imbestigasyon may kaangtanan sa gin papanaog nga showcause order batok sa anay Provincial Disaster Risk Reduction and Management Office (PDRRMO) Head Jing Pelaez.
Suno kay Martin, nag-ugat ang pagpanaog sang showcause order batok kay Pelaez bangud wala makit-an ang presensya sini sang tion nga nagalaslas ang Bagyong Paeng.
May gintukod nga investigating committee para magpanguna sa imbestigasyon.
Mahibaluan nag-umpisa ang pag-imbestigar sang Nobyembre 2022 kon sa diin nag-atindir man sa ginpatawag nga pagsinapol si Pelaez agudto mapa-athag ang iya bahin.
Samtang, gin hatagan naman si Pelaez sang kahigayunan nga magpresentar sang iya nga mga papeles kag testigo angut sa ginapasibangud sa iya.
Dugang pa ni Martin, indi magkabalaka ang mga pumuluyo bangud wala ginapabay-an sang nasambit nga komitiba ang imbestigasyon kag ginalauman nga matapos subong nga Enero.
By: Bench Benjamin | January 4, 2022
4.5