Personal nga ginbaton ni Mayor Ronnie Dadivas ang certificate of eligibility for funding nagikan sa World Bank para sa ipatukod nga slaughter house sang siudad sang Roxas.
Suno kay Mayor Dadivas, gintambungan sini ang ginhiwat nga launching sang tatlo ka World Bank-Funded Projects sa Department of Agriculture. Kalakip diri nga nangin kwalipikado para sa pagpondo sang World Bank ang ginahandum sini nga pag-establisar sang Roxas City Abattoir (Slaughter House) nga may balor P76.3 Million nga Grant sa idalum sang Department of Agriculture -Philippine Rural Development Project Scale-Up Sub-Project ang
Ang Certificate of Eligibility for Funding gintugyan personal sa alkalde nanday Department of Agriculture Secretary Francisco Tiu Laurel Jr. kag Ndiame Diop, World Bank Country Director for Brunei, Malaysia, Thailand and Philippines. Kaupod ni Dadivas nga nagbaton sanday City Councilor Gary Potato kag Ms. Lorelei Piansay.
Suno kay Mayor Dadivas, panugod na ini sang katumanan sang handum sini nga mailisan kag ma-upgrade na sa Double AA standard ang 30 anyos na nga Slaughter House sang siudad.
Photos by RCCG
