Ilabi pa nga pasangkaron sang Capiz Police Provincial Office (CPPO) ang kampanya batuk sa iligal nga droga, sugal kag iban pa nga sahi sang iligal nga bulohaton subong nga 2023.
By: Roldan Villareal | January 20, 2023
Ini agud mapadayon ang positibo nga resulta sang operasyon sang kapulisan sang nagligad nga 2022.
Nahibaluan nga sa kampanya kontra droga, naglab-ot sa 77 ka mga drug personalities ang nagkaladakpan sa 55 ka mga operasyon kag P9,160776 nga balor sang shabu ang nakumpiskar.
Sa kampanya kontra armas luthang, 21 ang mga nadakpan, 23 ka armas luthang ang nakumpiskar, 260 ang boluntaryo nga ginsungka kag 33 ka eksplosibo.
Samtang sa kampanya kontra sa iligal nga sugal, 70 ang na aresto sang kapulisan.
Sa kampanya kontra iligal nga pagpangisda, 438 ang mga nadakpan nga violators sa 109 ka mga operasyon. 16 naman ang mga na aresto sa kampanya kontra illegal logging.
Naglab-ot man sa 338 ka mga top, most kag other wanted persons ang na aresto.
Magluwas sini, dako man ang gin nubo sang nabalhag nga krimen sang 2022.
Nagalaum ang pamunuan sang CPPO nga ilabi pa mapasanyog ang kampanya batuk sa tanan nga sahi sang krimen kag iligal nga bulohaton.
 ang kampanya batuk sa iligal nga droga, sugal kag iban pa nga sahi sang iligal nga bulohaton subong nga 2023.){kind=link}
5