Nagdangat na sa 13,633 ang nabalhag nga kabug-usan nga kaso sang COVID-19 sa probinsya sang Capiz sa sulod sang tatlo ka tuig.
Sa datos nagikan sa Provincial Health Office (PHO), sa nasambit nga numero, 577 na ang ginbawian sang kabuhi humalin Marso 2020 tubtob Marso 23, 2023.
Sa karun may nabilin nga isa nalang ka aktibo nga kaso sa probinsya.
Ang pagdamo sang numero sang mga nabakunahan batuk sa sini nga balatian ang isa sa mga ginalantaw nga rasun sang Department of Health (DOH) sang amat-amat nga pagnubo sang nabalhag nga kaso indi lamang sa probinsya sang Capiz kundi sa halos bug-os nga pungsod Pilipinas.
By: Roldan Villareal | March 24, 2023
4.5