Padayon nga nagasaka ang nabalhag nga kaso sang hand-foot-and-mouth disease sa probinsya sang Capiz.
Sumugod Enero 1 tubtob Marso 18, 2023, nagdangat na sa 265 ang kaso sang HFMD nga nabalhag sa probinsya. Mas mataas ini sang 92.03 porsyento sa 138 ka mga kaso nga nabalhag sa kapareho nga period sang tuig 2022.
Kadungan sini liwat ginapahanumdom ang publiko nga ang HFMD ang tuga sang virus kag makatalapon.
Sa tiun may ginapakita na nga sintomas sang balatian kapareho sang lagnat, rashes ukon blisters sa panit kag iban pa, gilayon nga mag isolate agud indi na makalaton sa iban.
By: Roldan Villareal | March 23, 2023
