Nagsaka pa sa 9 ang nabalhag nga kaso sang nalukpan sa probinsya sang Capiz sumugod sa bulan sang Disyembre 2022 tubtob Enero 2, 2023.
Base sa pinakaulihi nga datus sang Capiz Provincial Health Office, nabalhag ang dugang nga kaso halin sa banwa sang Tapaz nga may 3, kag Mambusao nga may 1.
Madumduman nga sandig sa una nga ginpaguwa nga datus sang PHO, may lima nga nabalhag nga kaso sang palupok nga naghalalin sa banwa sang Panitan nga may 2, Sigma 1, kag Ivisan nga may duha.
Mahibaluan nga 6 sa mga kaso ang nag-angkon sang paso sa magkatuhay nga parte sang kalawasan, 2 ang eye injury kag 1 ang nautdan sang tudlo.
By: Vico Olano | January 3, 2022
