Madinalag-on ang ginpatigayon nga operasyon sa lapsag nga gin-abandonar kag gintaban sang ido sa Barangay Tiza, Roxas City sang nag ligad ng adlaw.
Sandig sa impormasyon nga nakuha sang Radyo Bandera Roxas sa ospital, ginrekomendar nga operahan ang lapsag agud mauntat ang pagdugo sang nautod nga paa.
Apang wala na masalbar pa ang nabali nga wala nga ti-il sang lapsag, rason nga ini ang gin-utod nalang agud indi na mag tuga sang infection sa iya nga lawas.
Ginapahayag nga sa pihak sang naagihan sang lapsag, ginpabilib sini ang medical staff sang ospital matapos nga nangin istabli ang kondisyon apisar nga wala na ang iya mga tiil.
Nagpabutyag man ang tagdumalahan sang St. Anthony College Hospital nga ila pagatatapon sang husto ang lapsag kag ginahikutar ang mga dokumento pananglitan nga indi gid matumod ang ginikanan kag pamilya para sa legalidad sini.
By: Jolito Valles Borda | February 24, 2023
4.5
5