LGU-PANAY, GINAPASUMITER SANG SP SANG STATEMENT SAVINGS PARA MAKLAROHAN ANG RASON SANG WALA PAGHATAG SANG CNA KAG SRI SANG MGA EMPLEYADO

Ginapasumiter sang Sangguniang Panlalawigan (SP) ang LGU-Panay sang duly notarized nga Statement of Saving kag Fiscal Year 2022 agud maklaruhan ang rason nga wala nahatagan sang Collective Negotiation Agreement (CNA) kag Service Recognition Incentives (SRI) ang mga empleyado.

Ini ang ginpahayag ni Board Member Jonathan Besa, Chairman sang Committee on Appropriations sang mainterview sang Bombo Radyo.

Suno kay BM Besa, nagpatigayon sang comittee meeting matapos nga nakaabot sa ila talapatan ang sulat nga nagikan kay SB Member Paolo Besa, nga nagahinyu sa SP nga aksyunan ang wala mabaton nga CNA kag SRI sang mga empleyado sang Panay.

Pahayag sini nga, nga ba-se sa nangin sabat sang local finance committee, exhausted na ukon wala na sang nagakaigo nga pondo kag wala na-renew ang accreditation sang employees union.

Apang wala diri nagapati si Besa, nga exhausted na ang pondo bangud sang Setyembre 2022 lang naaprubahan ang budget sang Panay.

Suno kay Besa, pagatinguhaan sini nga mahatag ang CNA nga para sa empleyado apang malabo naman nga mahatag pa ang SRI.

Mahibaluan nga kinamatarong sang isa ka empleyado nga makabaton sang CNA kag SRI kun sa diin ang pondo ang magagikan sa personal services kag Maintenance and Other Operating Expenses (MOOE).

Ginklaro man sang opisyal nga pananglitan mapatud-an nga hungod nga wala ginhatagan sang natungdan ang SRI sang empleyado magapanabat ang mga ini sa kaso nga administratibo.

From and By Bombo Radyo Roxas