Patay ang mag-utod nga lunsay menor de edad matapos malumos sa suba nga sakup sang Brgy. Matagnop, Dao, Capiz, kaina sang aga.
Ang mga biktima nga wala na ginhingadlan ang nagapang-edaron sang 15-anyos isa ka lalaki kag isa ka babayi nga naga-edad naman sang 10-anyos.
Sandig sa impormasyon nga nakuha sang Brigada News FM sa Dao Municipal Police Station, nagpadulong ang magpamilya ukon maghimata sa suba agud maligo bangud sa mainit nga tiempo.
Pag-abot sa lugar ginapahayag nga nag-apas ang mag-utod sa ila pakaisa nga menor de edad man nga yara sa madalom nga parte sang suba.
Ulihi nalang nakit-an sang ila himata ang tatlo ka kabataan nga nagapangayo na sang bulig.
Madasig naman nga gintabangan ang mga ini apang wala gid masalbar ang kabuhi sang duwa ka biktima.
Ginpadangat pa sa ospital ang mga biktima apang ini ang gindeklarar sang doktor nga dead on arrival.
Sa karon, ang bangkay sang duha ka bata ang yara na sa isa ka punerarya sa banwa sang Dao. | Judy Ann Juare – Radyo Bandera Roxas
4.5