Pilason ang 22-anyos nga magulang matapos ginbuno sang iya kaugalingon nga manghud sa Purok 2, Barangay Libas, Roxas City, Capiz ala 1:30 ang takna kaina sang kaaganhon.
Sandig sa imbestigasyon sang Roxas City PNP, ginkilala ang biktima nga si John Paul Tumunog, samtang ang suspek amo si Marvin Tumunog 19-anyos nga lunsay residente sang nasambit nga barangay.
Ginpahayag nga nag-abot sa ila balay ang mag-utod nga yara sa idalum sang impluwensya sang makahulubog nga ilimnun kag may nagpatunga sa mga ini nga wala paghangpanay.
Ginlampusan pa sang bangko sang biktima nga si John Paul ang iya manghud kag nagtapungulay pa ang mga ini.
Apang, nagkuha sang matalum nga hinganiban ang suspek kag ginbuno sa dughan ang iya magulang.
Gilayon man nga gindapatan sang pagbulong ang biktima kag ginpadangat sa ospital, samtang ang suspek nga si Marvin ang nagapabilin nga at-larged.
– Capiz News
5
4.5