By: Roldan Villareal | January 19, 2023
Naglab-ot sa P9,160,776.16 ang kabug-usan nga balor sang iligal nga droga ang nakumpiskar sang kapulisan sa probinsya sang Capiz sang tuig 2022.
Sa datos nagikan sa Capiz Police Provincial Office (CPPO), 1,347 ka gramo sang methamphetamine hydrochloride ukon shabu ang nakumpiskar sa 55 ka mga anti-illegal drugs operation. Ini ang nagresulta man sa pagka dakop sang 77 ka mga drug personalities kag pagpasaka sang 129 ka mga kaso.
Bangud sa nasambit nga kadalag-an, ginpasalig sang pamunuan sang CPPO sa pagpanguna ni Police Colonel Jerome Afuyog, Jr. nga pagatutokan sang kapulisan ang kampanya sa tanan nga sahi sang iligal nga bulohaton ilabi na ang kampanya kontra droga.
4.5
5