Nadakpan sang mga kapulisan ang isa ka ginakabig ‘most wanted’ nga persona sa ginaserbi nga mandamiento de aresto sa Sitio Bangbang, Barangay Tanza Sur, Panay, Capiz.
Ginkilala ang naaresto nga si Frankie Bertuldo alyas Franklyn, 32 anyos, residente sang Barangay Solo, Pontevedra nga ginakabig Number 6 Most Wanted sa Provincial Level kag Number 3 Most Wanted sa Municipal Level.
Akusado ini sa kaso nga paglapas sa Republic Act 9165 ukon Comprehensive Dangerous Drugs Act of 2002 kun sa diin ang warrant of arrest ang ginpapanaog sa sala ni Judge Alma Banias Delfin sang Regional Trial Court, 6th Judicial Region, Branch 15.
Wala sang ginrekomendar nga piyansa ang korte para sa temporaryo nga kahilwayan sang akusado nga nakahunong na karon sa karsel.
Nadakpan si Bertuldo sang gintingob nga pwersa sang Pontevedra kag Panay Municipal Police Stations, 1st Capiz Provincial Mobile Force Company, Provincial Drug Enforcement Unit, kag Highway Patrol Team.
Text and Images By: Joshua Kenneth Anas | March 11, 2023
5