Nagdangat na sa 108 ang nabalhag nga kaso sang balatian nga dengue sa probinsya sang Capiz sumugod Enero 1 tubtob Marso 11, 2023.
Suno sa Provincial Health Office (PHO), ini ang 151.16% nga mas mataas sa 43 ka mga kaso nga nabalhag sa kapareho nga bulan sang tuig 2022.
Pinakalamharon nga na biktima sang dengue ang duha ka bulan nga lapsag kag pinaka may edad naman ang 93 anyos nga tigulang.
Panugyan sang PHO sa publiko nga magsuksok sang bayo nga mahaba ang manggas kag mag gamit sang insect repellant agud malikawan nga makutot sang lamok.
Sa tiun may miyembro sang pamilya nga makabatyag sang sintomas sang dengue kasubong sang mataas nga hilanat kag rashes, gilayon nga magpakonsulta sa Doctor sa inyo lugar.
By: Roldan Villareal | March 16, 2023
5