By: Roldan Villareal | January 16, 2023
Boluntaryo nga nagsungka sa Pilar Municipal Police Station sa Capiz ang nagpakilala miyembro sang New People’s Army (NPA).
Suno kay Police Major Rachelle Garnica, matapos ang serye sang negosasyon sang Philippine National Police (PNP) kag Philippine Army sa wala na ginhingadlan nga rebelde, nagsungka ini alas 4:30 ang takna kaina sang hapon, Enero 16, 2023.
Ini ang ginapahayag naga serbi nga look out, spotter kag squad member sang Nonito Aguirre Sr. Command, SPP East Kilusang Rehiyon Panay. Naga paniktik ini sa hulag kag presensya sang tropa sang gobyerno sa kabukiran kag gina report sa mga kaupdanan sini nga NPA.
Gindugang pa ni Garnica nga ang pagsungka sang nasambit nga rebelde ang kasunod sang pagkamuklat sini sa kamatuoran nga ini ang ginatiplang lamang sa pamunuan sang NPA.
Sa karun yara na sa kostudiya sang Pilar PNP ang nasambit nga rebelde para sa custodial debriefing kag nagakaigo nga dokumentasyon.
Sa tiun mapamatud-an nga ini ang matuod nga rebelde, handa ang gobyerno sa paghatag sang bulig sa idalum sang Enhanced Comprehensive Local Integration Program (E-CLIP).
.){kind=link}
5
4.5