Kabug-usan na nga P45.6 milyon nga balor sang food kag non-food items ang napanghatag sang Department of Social Welfare and Development (DSWD), local government units, kag private sectors sa mga indibidwal kag pamilya nga apektado sang oil spill halin sa motor tanker nga naglugdang sa Oriental Mindoro sadtong Pebrero 28.
Base sa report sang Disaster Response Operations Monitoring and Information Center sang DSWD, as of March 23, P45,674,782.08 nga balor sang assistance na ang napanghatag sa apektado nga mga pamilya.
Sa nasambit nga kantidad, P38,120,250 ang halin sa DSWD, P1,008,289 ang halin sa local government units, P675,286 ang halin sa non-government organizations, kag P5,870,957.08 ang halin sa iban nga partners/stakeholders.
Sa karon, apektado na sang oil spill ang 34,553 pamilya ukon 163,498 indibidwal gikan sa 151 barangays sa Mimaropa (27,358 households) kag Western Visayas (7,195 households).
By: Joshua Kenneth Anas | March 23, 2023 | iFM Roxas
, local government units, kag private sectors sa mga indibidwal kag pamilya nga apektado sang oil spill){kind=link}
5