Suportado ni Pangulong Ferdinand Marcos, Jr. ang ginaduso nga paggamit sang hybrid rice bilang alternatibo sa inbred variety agud mapasanyog ang produksyon sang bugas.
Matandaan nga ginrekomendar sang SL Agritech Corporation (SLAC) ang conversion sang rice farming areas para sa certified seeds (CS) sa hybrid seeds kag himuon nga hybrid ang tanum sang 1.90 milyon ektarya nga talamnan sa sulod sang apat ka tuig.
Suno kay Marcos, magapatuman ini sang programa agud iduso ang nasambit nga pagbag-o pinaagi sa paghatag sang subsidiya kag pagpadali sang pagpautang sa mga mangunguma.
Nahibaluan nga sa nakaligad nga duha ka tuig, ang hybrid system ang nagahatag sang 41 porsyento nga mas maayo nga ani ikumparar sa inbred conventional seeds sandig sa pagtuon sang Department of Agriculture kag local government units.
By: Roldan Villareal | February 16, 2023
4.5
5