Paolo Roxas, ngaman guinapakilala siya sa Capiznon?

Date:

Share post:

Isa naman ka Roxas sang makabag-o nga henerasyon ang nagtambong sa ika-75 ka tuig nga paghanduraw sa maduagon nga anak sang Capiz, ang nagtaliwan nga Presidente Manuel Acuña Roxas, Abril 15, 2023.

Sang makita sang mga lider sang nagkatuhay nga lokal nga gobierno sang probinsya sang Capiz si Paolo Roxas, madamo sang palamangkutanon sa apat ka pamusod sang plaza publiko sang dakbanwa sang Roxas kon siya na ang madason nga kandidato sang Partido Liberal sa pagka kongresista sang una nga distrito sang Capiz para sa 2025.

Si Paolo Roxas, apo sang nagtaliwan nga Presidente Manuel Acuña Roxas sang pungsod Pilipinas kag anak sang anay Senador MAR Roxas.

Sang magpangape kami kaupod ang pila ka mahiligon sa politika sa Paseo de Roxas, sining syudad, nangin topiko sa mainit nga tasa sang kape si Paolo Roxas, kon ang iya presesnya ayhan kabahin lang sa selebrasyon sang maayo nga legasiya sang iya lolo ukon may duag politika suno sa mga maniningad sa adlaw sang okasyon.

Dapat siguro makilala si Paolo Roxas sang Capiznon kon gusto niya magserbisyo kag mangin tiglawas sang una nga distrito sang Capiz.

Sa personal ko nga pagpanalawsaw, isa sa mga legasiya sang pamilya Roxas ang Metro Roxas Water District (MRWD), Dinggoy Roxas Civic Center (DRCC), ang malawig nga pagpakay-o kag pangkongkreta sang mga karsada guikan sa Dakbanwa sang Roxas padulong sa banwa sang Panay, Panitan, Pontevedra, President Roxas, kag Pilar. Kalakip na diri ang banwa sang Maayon nga indi sadto maagyan sa ti-on sang tig-ululan.

Galing may mga politiko nga indi gusto butangan sang “billboard” ang ila hinimuan bangud para sa ila isa ini ka pagtuman sang responsibilidad sa pumoluyo, kabangdanan nga abi sang pumoluyo wala sila hinimuan.

Sa tuig 2025, bakante ang posisyon sa pagka Congressman para sa una nga distrito sang Capiz bangud last term na ni Congressman Emmanuel “Tawi” Billones kag madamu sini ang nagahandum nga posisyon.

Akuon man kag sa indi sang mga “hot contender” sa pagka Congressman, karon pa lang may mga pahapyaw na nga istorya, pabatyag nga pagpikpik sa abaga kag pag-atendir sa piyesta kag espesyal nga okasyon sang mga dalagkuan nga pamilya.

Indi naton mabasol kon ang tagsa-tagsa maghatag interes sa nasambit nga posisyon kag kon sin-o sila bangud ang tanan mangin kabahin sang maragtas sang liderato sa probinsya sang Capiz.

Guikan sa pulso sang mga tawo, 3 ka incumbent mayor, 2 ka board member kag anak sang politiko ang angayan nga mangin tiglawas sang una nga distrito sang Capiz.

Balantayan ang 2025, apang mas maayo kon mabantayan naton ang mangin lider sang aton mangin buasdamlag.

(Capiz Online News)

Ed Basilonia
Ed Basilonia
a veteran journalist for more than two decades. He wrote for almost all local newspapers in the province as well as for a national daily as a correspondent. Ed was also the head of the Capiz Provincial Press Bureau for two governors. He was the head of the press bureau when they won as the best information office of an LGU in Western Visayas for the first time ever. He is a public relations practitioner and a media relations expert. He is now a successful businessman but has retained his love for writing.

LEAVE A REPLY

Please enter your comment!
Please enter your name here

Politicking

spot_img

Related articles

Politicking

In Roxas City and in the 16 municipalities of the province of Capiz, the heat index of political maneuvering is slowly gaining ground to form a formidable team for the 2025 local election.

Taiwan Hit by Strongest Earthquake in 25 Years, Sparks Tsunami Alerts

Taiwan grapples with its strongest earthquake in a quarter-century, triggering tsunami alerts.

Capisnon, Mag-pauli kita!

Guina agda guid ang mga Capisnon sa luwas sang probinsya mga mag pauli sa Abril para sa Capiztahan 2024.

Capiz’s NM Jocson is Pintados chess champ

Capiz's first chess national master, Francis Jocson, bagged the championship trophy after he scored six perfect points in...