Balimbing
Indi mo mabasol ang tagsa-tagsa, kon kadalag-an kag kwarta na ang nagapalapit sa tawo, madamo nga prinsipyo ang natabunan sang madamol nga kwarta, kabangdanan nga madakmol na ang nawong sang pila ka tawo nga may panindugan sadto.
Kon nagahingalit sila sa sitwasyon nga tumalagsahon bangud malaka pa ini sa talisik magtupa apang may pila ka bagay-bagay nga guina konsidera labi na kon mangin apektado ang mangin buasdamlag sang imo komunidad, kinahanglan mo mag desisyon, “pera or konsensiya.”
Sa karon, madamo ang incumbent public servants kag former public officials nga abi nimo tag-iya sang nilibo ka botante, kon magtug-an sobra pa sa “solid fan,” kay gali pagkuha sang pondo sang politiko daw “electric fan” nga hangin lang ang guinabuga.
Nakapalista ka na, kon ano ang imo gusto nga ayuda, este bayad sa palaabuton nga politika?
May hambalanon, “batuna ang ila kwarta, isulat ang imo gusto nga lider sa balota.”
Waay ni!