Yari na ang pinaka bago nga edisyon sang Pen Pen de Sarapen.
Pen Pen de Sarapen for July 6, 2024
Ang blind item section sang Capiz News
Bog-oy, sin-o pa ang ma-intra?
Madamo ang nagahana kag naga-laong sa magtimbang nga grupo nga maintra sila sa “bog-oy” sang politika.
May bag-uhanon nga mga ngalan, may ara sang balik politika kag bongga-itan.
Ang mga ngalan inyo mahibaluan sa masunod nga mga binulan.
Sin-o sa Roxas City?
Guinahulat sang mga tawo ang ngalan kon may ara kag sin-o ang ma engkwentro kay last termer Roxas City Mayor Ronnie Dadivas sa 2025 midterm elections.
Sa pinaka-ulihi nga marites sa isa ka mall, isa ka nangin mayor sadto sang Dakbanwa sang Roxas ang posibli nga mangin kasumpong ni Mayor Dadivas, apang kon imo bukaron ang pinanid sang maragtas sang politika sa Roxas City, tatlo nalang ang nabilin nga nangin alkalde sadto, former Roxas City mayor Tony del Rosario kag Alan Celino, walay sapayan nga si Mayor Vic Bermejo, incumbent mayor sa banwa sang Panay.
Kon taga Roxas City ka, si Ronnie, si Tony ukon, si Alan.
Rebansa sa Dumarao
Madayon guid ang engkwentro sa tunga ni incumbent mayor Mateo Hachuela kag former mayor Leslie Warren Benjamin para sa banwa sang Dumarao?
Sang nagligad nga pinili-ay, nangin madinalag-on si mayor Hachuela batuk kay former mayor Benjamin, apang sa likod sang kadalag-an kaupod dira ang iya ka partido lakip na ang suporta sang former congressman sang segundo distrito nga karon Gobernador sang probinsya sang Capiz.
Kon balikan naton ang dekada ’70 tubtob ’90, tuman kapag-on sang “political triumvirate” sa banwa sang Dumarao, ang guintingob nga pwersa sang pamilya “Arancillo, Benjamin kag Tanco.”
Pero hambal sang mga “political observer,” that was a thing of the past.
Pero ano ini kamatuod nga si incumbent vice mayor kay former mayor maupod as vice mayor?
Ano ayhan ang balantayan sa rebansa sa politika sa banwa sang Dumarao. Aber!
Alimango sa Pontevedra
Sang nangin madinalag-on si incumbent mayor Henry Tumlos batuk sa nangin mayor sadto sang Pontevedra nga si Dr. Steeve Contreras, madamo ang nalipay apang mas madamo ang nagka-interes pagkaligad sang tinuig.
Pila ka prominente nga pamilya nga may ngalan na sa politika sa Pontevedra ang nagapabatyag sang interes sa pagka alkalde sa nasambit nga banwa.
Mayor Henry, ina ang hambalon nga wala sang permanente nga apin sa politika, ang personal nga interes ang labing una.
Palakaon siguro alimango. Waay ni!
Volunteer for justice!
Sang mabati-an ko ang istorya sa carinderia, madamo ang naga volunteer kon madayon sa iya kandidatura sa pagka board member si retired Justice Edward Bayhon Contreras.
May mga opinyon guikan sa mga propesyunal, dapat kay Justice Contreras, pang Congressman, Governor, and Vice Governor.
Hulaton naton ang opisyal nga pahayag sang awardee sang 75th University of the Philippines (UP)—Visayas alumnus kay posibli madamo pa sang “changes” bag-o ang filing sang Certificate of Candidacy sa bulan sang Oktubre.
Liga sang kolektor
Sang ma-istorya ko ang mga barangay opisyal, nakibot ako sang ila sentimento natuhoy sa guinpatigayon nga seminar sa isa ka pribado nga balay kalan-an sa Dakbanwa sang Roxas.
Tuman ka mahal sang ila registration fee nga nalakipan sang pila ka bagay-bagay, matapos nga guinpanalawsaw naton, agud hibaluon ang nasambit nga isyu.
Nahibaluan ko nga si Kap, eksperto sa koleksyon sang ini kolektor pa ang iya trabaho, ugaling may mga pagbag-o ang tanan kasubong sang mga nagatap-ok nga apog nga kon ka isa daw mapuling kana, pero kon lantawon mo si Kap sa konseho, kasubong sang isa ka “mannequin,” because he can’t speak on behalf of the people in the villages. English da bi ang session.
Oh ano, e-live naton sa FB, di ba gusto mo publicity, masulat ka on-the-spot sang resolution kag ordinance?
Ga pa “bebi” ka lang.