PEN PEN de SARAPEN | June 27, 2023

Yari na ang Hunyo 27, 20 23 nga edisyon sang inyo Pen Pen de Sarapen. Ang kolum sang mga “blind items’ sang Capiz News.

Road widening, kriminal?

Halos dekada na ang road widening project sa probinsya sang Capiz, ini ang pagpalapad sang indi matapos-tapos nga karsada nga nagsulat sa mga ngalan sang motorista sa lapida matapos ang aksidenti nga nagbawi sang ila kabuhi.

Department of Public Works and Highways (DPWH), ano guid ‘ya mga kuya kag ate, ngaman sugoran ang proyekto kag indi matapos, bag-o na gani imo salakyan, wala pa untat ang widening sang imo balay?

Ano ang insakto nga pletihan sa tricycle sa RC?

Pila guid ‘ya ang pletihan sa tricycle sa Roxas City per kilometer ukon first 3-kilometer?

P10.00

P15.00

P20.00

Kay kon kis-a akig si migo driver, pila guid ‘ya?

Kandidato Mayor ang anak, VM and amay?

Sa diin nga banwa sa probinsya sang Capiz ang nagalanog ang plano sang mag-amay nga ang iya anak ma kandidato sang alkalde, samtang si incumbent mayor mapapili bise-alkalde?

Maayong aga, sa mahiligon magpangape kag magbasa sang pulso politika sa Capiz.

Ano ayhan, ang mabatyagan ni incumbent kuyam vice mayor kon indi siya pag e-indorso ni mayor sa pagka-alkalde pagkatapos sang tatlo ka termino ni mayor?

Ibang klase ka mayor, panubli-on nga posisyon, basi sa madason imo naman apo!