Pigado pa ang baklanay sang palupok subong nga paskwa ikumpara sang nakaligad nga tuig.
Ini ang ginpahayag sang mga nagabaligya palupok sa Punta Dulog Market, Pueblo de Panay, Barangay Lawaan, Roxas City sang nalab-ot sang Radyo Bandera Roxas.
Suno kay Juvy Elicana, isa sa mga vendor, nagsugod sila sa pagbaligya sang tinalikdan nga Disyembre 22 kag ginapahayag sini nga pigado gid ang bentahanay sang palupok bangud nga nagtaas ang presyo.
Apang ginalauman na sang mga ini nga sa ‘last hour’ ang pagdagsa sang mga bumalakal kag nagalaum nga makabawi sang ila gin-kapital sa negosyo.
Panawagan naman sang mga vendors sa publiko nga mas maayo temprano nga magpamakal sang palupok agud malikawan ang paginutok sa Disyembre 31 kag gamay gid lamang ang ila baligya.
By: Jolito Valles Borda | December 26, 2022 | Radyo Bandera Capiz
5