Nagtaas sang P1.00 tubtob P2.00 kada kilo ang presyo sang bugas sa nagapanguna nga merkado sa probinsya sang Capiz.
Ini ang ginpahayag ni Edilberto Cambe, presidente sang Roxas City Cereal Retailers Association (RCCRA) kag member sang Grains Retailers Confederation (GRECON) sang mainterview sang Radyo Bandera Roxas.
Suno kay Cambe, nakaligad pa nga semana nagtaas sang presyo sang bugas matapos nga gamay lamang ang produksyon bangud sa kalamidad nga nagtuga sang kahalitan sa ulumhan.
Dugang pa ni Cambe, ginalauman ang dugang nga pagtaas sang presyo sa masunod nga bulan bangud nga wala pa maka-rekober ang mga mangunguma sa ila talamnan.
By: Jolito Valles Borda | March 6, 2023
5
4.5