Negatibo na sa Paralytic Shellfish Poison ukon Red Tide Toxin ang kalalawran nga sakop sang banwa sang Pilar, President Roxas kag Panay.
Ini sandig sa ginpapanaog nga Shellfish Advisory No. 06 series of 2023 napetsahan Pebrero 22 sining tuig sang Bureau of Fisheries and Aquatic Resources (BFAR).
Ang negatibo nga resulta ang naagom nagikan sa tatlo ka sunod nga semana nga pagpatigayon sang water sampling sa nasambitan nga mga lugar.
Ang gobyerno probinsyal sang Capiz ang malipayon nga ginpahibalo sa publiko nga hilway na konsumohon kag ginapahanugutan na ang pag-harvest kag pagbaligya sang mga panginhason nga nagikan sa kalalawran nga sakop sang bug-os nga probinsya sang Capiz.
Sa karon ang BFAR kag gobyerno probinsyal ang padayon sa pagmonitor sa aton kalalawran agud nga proteheran ang ikaayong lawas kag kabuhi sang pumuluyo subong man para nga amligan ang fishery industry sang probinsya.
5
4.5