Wala na sang aktibo nga kaso sang balatian nga COVID-19 sa probinsya sang Capiz.
Suno kay Governor Fredenil Castro, naangkon ang ini nga kadalag-an batuk sa sini nga balatian pinaagi sa pagtinguha sang tagsa ka Local Government Units, Local Health Offices, mga ospital, iban pa nga health facilities, partners kag stakeholders.
Nagapakita man ini suno kay Castro nga ang tanan posibli kag sarang mabatuan ang ini nga makalalaton nga balatian pinaagi sa bulig kag kooperasyon sang tanan.
Kadungan sini padayon nga ginapanugyanan ang publiko sa pagpabakuna kag padayon nga pag obserbar sang minimum public health standards agud mapabilin ang ini nga kadalag-an batuk sa COVID-19.
Nahibaluan nga sumugod Marso 2020 tubtob Enero 25, 2023, nagdangat sa 13,623 ang nabalhag Ng kabug-usan nga kaso sang COVID-19 sa Capiz. 576 sa nasambit nga numero ang ginbawian sang kabuhi.
By: Roldan Villareal | January 25, 2023
4.5
5