Nagakabalaka ang isa ka residente sa ginapatigayon nga quarry operation sa ila nga barangay sa may bahin sang Barangay Dolores Ilawod, banwa sang Dumalag.
Sandig sa ginpa-Bombo sang indi na paghingadlan nga persona, delikado ang ginapatigayon nga pag-quarry bangud may posibilidad nga magatiphag ang duta kun mag-inulan kag mangin apektado ang nag-istar nga yara sa idalom nga bahin sang amu nga lugar.
Suno pa sa tagreklamo nga ginpahayag nagkasugot ang mga Jagonase nga tag-iya sang duta kag si certain Cornelio Sanchez, kag ginpahayag nga may permit nga nakuha si Sanchez sa Capiz Environment and Natural Resources Office (CaPENRO) rason nga indi man makatugda ang ila Barangay officials.
Luyag lamang sang tagreklamo nga mapalab-ot sa CaPENRO kun insakto pa ini nga operasyon bangud ang amu nga duta ang nahamtang sa kilid nga bahin sang karsada kag mangin apektado ang yara sa idalom kun magluntad ang landslide.
News item and Images from Bombo Radyo Roxas
5
4.5