Pagakilalahon sang Philippine Sportswriters Association (PSA) sa Annual Awards Night sa bulan sang Marso ang mga gold medal winners sa 31st Southeast Asian Games.
Kalakip sa pagakilalahon sang ginakabig pinakamadugay na nga media organization sa pungsod sanday Boxing Olympians Eumir Felix Marcial kag Rogen Ladon, triple gold winners sa dancesports Ana Nualla kag Sean Aranar, Gilas Pilipinas women’s team kag madamu pa nga mga atleta.
Nahibaluan nga nakabulsa sang 52 ka bulawan nga medalya ang pungsod sa Hanoi kag nakuha ang ika-apat nga puwesto sa biennial meet.
Pagahatagan man sang pagkilala ang Philippine National Volleyball Federation kag Bases Conversion and Development Authority (BCDA).
By: Roldan Villareal | February 15, 2023
5
4.5