Ginpasakaan na sang kaso ang kapitan kag mga crew sang MV Sunward matapos madakpan nga nagtuyo palusot sang P240 milyon nga balor sang refined sugar nagikan sa Thailand padulong sa Pilipinas.
Suno sa Department of Agriculture, napasaka na ang panumbungon sa Office of the Provincial Prosecutor sang Batangas City batuk sa mga suspetsado.
Matandaan nga bulan sang Enero sang madakpan sang mga katapo sang Customs Police Division-Enforcement and Security Service (CPD-ESS), Customs Intelligence and Investigation Service (CIIS), kag Philippine Coast Guard (PCG) ang nasambit nga barko nga may karga nga asukar.
Sakay sini ang isa ka crew nga Filipino, anum ka Indonesian, kag pito ka Chinese nationals. | © GMA Integrated News
By: Roldan Villareal | February 17, 2023
5
4.5