Nadakpan sang mga otoridad ang isa ka lalaki nga ginaalegar suspetsado sa pagpangawat sang motorsiklo sa Barangay Intongcan, Pontevedra, Capiz alas tres ang takna sang hapon.
Sa report nagikan sa Police Regional Office (PRO) 6, ginapahayag nga nakabaton sang impormasyon ang Pontevedra Municipal Police Station nga may isa ka persona nga makaduloda nga nagatulod sang motorsiklo.
Sa pag respondi sang mga otoridad natukiban nga kinawatan ang motorsiklo nga ginatulod sang suspetsado nga ginkilala kay John Dave Quiachon Buenavides, 18 anyos, residente sang Barangay Quiajo, President Roxas.
Sang ginrekisa sang mga otoridad nakuhaan sang homemade single shot 12 gauge shotgun si Buenavides.
Sa karun yara na sa kustodiya sang Pontevedra Municipal Police Station ang arestado kag natalana pasakaan sang patong-patong nga kaso.
By: Roldan Villareal | January 3, 2022
5