Tatlo na ka mga barangay sa probinsya sang Capiz ang kumpirmado nga may kaso sang African Swine Fever (ASF).
Suno kay Provincial Veterinarian Dr. Leonel Abordo, ini ang naghalin sa Barangay Canapian sa Maayon, Barangay Poblacion Ilawod sa Dumarao kag Barangay San Antonio sa banwa sang Pilar.
Dugang pa ni Abordo, gilayon ang mga ini nagpatigayon sang disinfection sa mga lugar kun sa diin nagikan ang mga baboy nga positibo sa virus.
Ginadudahan sa paglaton sang ASF sa Maayon kag Pilar amo ang ginbakal nga karne sang baboy sa banwa sang Iloilo nga malapit lang sa border sang nasambit nga mga barangay.
Ginpasiguro naman ni Abordo ang hugot nga pagpatuman sang border controls, checkpoints kag pagdumili sa pagpaguha sang baboy, karne sang baboy kag mga pork products nagikan sa nasambit nga mga lugar.
Ginapanugyanan man ni Abordo ang publiko nga magkooperar sa ginapatuman nga mga lihok sang gobyerno probinsyal batuk sa ASF.
By: Jolito Valles Borda | March 14, 2023 | Radyo Bandera
.){kind=link}
4.5