Tourism is everyday life” – Gov. Castro

“Tourism is everyday life” amo ini ang isa sa mga mensahe nga ginpaabot ni Governor Fredenil Oto Castro sa ginhiwat nga training on filipino brand of service excellence sa El Circulo Convention Center kagapon ng nga adlaw, Pebrero 8.

Ang “Filipino Brand of Service Excellence Training” isa ka libre nga aktibidad nga gin organisa sang dot region 6 kag provincial tourism and cultural affairs office nga ginsuportahan ni Governor Fredenil Oto Castro. Ang training indi lamang para sa mga empleyado sang gobyerno, ginimbitahan man pati ang nagkatuhay nga pribado nga mga sektor kaangay sang mga hotels, resorts, restaurants kag iban pa nga mga tourism related nga establisyemento.

Katuyoan sang nasambit nga paghanas nga mapasangkad ang ihibalo sa pag serbisyo sang mga partesipante. Sa halos duha ka tuig nga naapektohan ang turismo sang pandemya, determinado ang DOT Region 6 kag ang gobyerno probinsyal nga mapa-alwan kag mapapag-on ang turismo sang probinsya. Ang paghasa may ara sang duwa ka adlaw, Pebrero 8 tubtob Pebrero 9.

Suno kay Governor Fredenil Oto Castro ang turismo indi lamang ang pagpakita sang mga matahum nga tourist spots, ang iya konspeto sini amo ang masustinar kag mabuhi ang turismo kay ini pamaagi man nga mangin pangabuy-anan sang Capisnon kag ang turismo may dako nga parte para sa pang adlaw-adlaw sang mga pumuluyo kag sang bilog nga probinsya.

Yari man diri ang Capiz provincial tourism and cultural affairs office head, Alphonsus Tesoro kag ang resource person sang nasamnit nga training, Ms. Sofia Celeste-sarino, DOTcertified FBSE trainer.

Images and text from Capiz Provincial Government Communications Group